ޚުލާޞާ ކުރުން

އެކްޓިވިޓީ : 5

ޚުލާޞާ ކުރުން (ވީޑިޔޯ)

§         މާއްދާ :  ދިވެހިބަސް

§         ގްރޭޑް :  8

§         ސުރުޚީ : ޚުލާޞާ ކުރުން

§         ވަގުތު : 45 މިނިޓް

§         ޓީޗިންއެއިޑްސް : ދިވެހި ލަވައިގެ ތެރެއިން " ލޯބިވާ މަންމާ މަގޭ " މި ވީޑިއޯ ޅެން.

މަޤްޞަދު :

§         ލަވައިގެ ވީޑިއޯ ބެލުމަށްފަހު ލަވައިގެ ވީޑިޔޯއިން ފެނި އަދި އިވިގެންދާ މުހިންމު މަޢުލޫމާތްތައް ފާހަގަކޮށް، ނޯޓް ކުރުން.

§         ޚުލާޞާ ކުރުމުގައި ސަމާލުވާންޖެހޭ ކަންތައްތަކަށް ވިސްނުން ބަހައްޓައިގެން، ވީޑިއޯއިން ލިބުނު މަޢުލޫމާތުގެ މައްޗަށް، 06 ފޮޅުވަތާއި 08 ފޮޅުވަތުގެ ޚުލާޞާއެއް ލިޔުން.

ގެންދާނެގޮތް :

§         ކޮންމެ ގްރޫޕަކަށް 4 ކުދިން ވާގޮތަށް ކްލާސް ބަހާލާށެވެ.

§         ދެން، ގްރޫޕްތަކުން ވީޑޯއޯ ފަރުވާތެރިކަމާއެކު ބެލުމަށް ބުނުއްވާށެވެ.

§         ނަމަވެސް، ދެވަނަ ފަހަރު ވީޑިޔޯ ދެއްކުމުގެ ކުރިން، ވީޑިޔޯ ބަލަމުންދާއިރު،  ކޮންމެ ދަރިވަރަކުވެސް  މި ލަވައިން ހާމަވަމުންދާ ކަންތައްތައް ޕޮއިންޓް ތަކެއްގެ ސިފައިގައި ނޯޓްކުރުމަށް ބުނުއްވާށެވެ.

§         ދެން، ވީޑިއޯ ނިމުމުން  ގްރޫޕް ތަކުގެ ދަރިވަރުން ނޯޓް ކޮށްފައިވާ ޕޮއިންޓް ތަކާމެދު، ގްރޫޕްގެ ދަރިވަރުންގެ މެދުގައި މަޝްވަރާ ކުރަން ފުރުޞަތު ދެއްވާށެވެ.

§         އެއަށްފަހު، ދެން ގްރޫޕް ތަކުގައި ދަރިވަރުން މަޝްވަރާކުރި ކަންތައްތަކުގެ ތެރެއިން ޚުލާޞާ ކުރުމަށް ބޭނުންވާ މުހިންމު މައުލޫމާތުތަކީ ކޮބައިކަން ފާހަގަކޮށް، އެއްކުރެވުނު މަޢުލޫމާތުގެ މައްޗަށް ކޮންމެ ގްރޫޕަކުންވެސް ޚުލާޞާއެއް ލިޔުމަށް ބުނުއްވާނީއެވެ.

§         މިގޮތުން، ޚުލާޞާ ލިޔުމުގައި ފެނިގެންދިޔަ ވީޑިޔޯގެ ލަވައިގެ މައިގަޑު ޚިޔާލުތައް ފިކުރުގައި ބަހައްޓައިގެން، ފާހަގަކޮށްފައިވާ ޕޮއިންޓްތަކުގެ މައްޗަށް، ގާތްގަޑަކަށް 06 ފޮޅުވަތާއި 08 ފޮޅުވަތަށްވުރެ ދިގުނޫން ގޮތަކަށް ޚުލާޞާއެއް ލިޔަންބުނުއްވާށެވެ.

§         ދެން ގްރޫޕްތަކުގެ ދަރިވަރުންގެ މަސައްކަތް ނިމުމުން، އެމަސައްކަތްތައް ކްލާހަށް ހުށަހަޅާނީއެވެ.

ރެފްރެންސް : " ލޯބިވާ މަންމާ މަގޭ " މި ވީޑިއޯ ޅެން ނަގާފައިވަނީ : (ޔޫޓިޔުބުން) https://youtu.be/xtYL1-ZineY

---

ލިޔުންތެރިކަން

އެކްޓިވިޓީ : 4

ލިޔުންތެރިކަން

§         މާއްދާ : ދިވެހިބަސް

§         ގްރޭޑް :  9

§         ސުރުޚީ : ލިޔުންތެރިކަން

§         ވަގުތު : 45 މިނިޓް

§         ޓީޗިން އެއިޑްސް : ތަސްވީރު

މަޤްޞަދު :

§         ދީފައިވާ ތަޞްވީރުތަކުން ކޮންމެވެސް އެއް ތަޞްވީރުން ފެންނަ ތަންތަނާއި ޙާދިސާތައް ނޯޓް ކުރުން.

§         ދީފައިވާ ތަޞްވީރުތަކުން ކޮންމެވެސް އެއް ތަޞްވީރަށް 05 ފޮޅުވަތާއި 10 ފޮޅުވަތާއި ދެމެދުގެ ވާހަކައެއްގެ ފެށުމެއް ލިޔުން.

ގެންދާނެގޮތް :

§         ކްލާސް 4 ކުދިންގެ ގްރޫޕަތަކަކަށް ބަހާލާނީއެވެ.

§         އެއަށްފަހު، ކުރުވާހަކަ ލިޔުމާއިބެހިގެން ދަރިވަރުންނަށް އެގިފައިވާ މަޢުލޫމާތާއި ބެހިގެން ސުވާލުކޮށް ކުރުވާހަކަ އަކީ ކޮބައިކަމާއި ކުރުވާހަކަ ލިޔުމުގައި ސަމާލުކަންދޭންވާ ކަންތައް ދަރިވަރުންންނަށް ބުނެ ދެއްވާނީ އެވެ.

§         ދެން، ކޮންމެ ގްރޫޕަކަށްވެސް ތަޞްވީރެއް ދޭނީއެވެ.

§         އެއަށްފަހު ގުރޫޕްތަކުގައި މަޝްވަރާކޮށްގެން ތަޞްވީރުން ފެންނަ ތަންތަނާއި ޙާދިސާގެމައްޗަށް ޕޮއިންޓް ނޯޓް ކުރާނީއެވެ.

§         ދެން ނޯޓްކުރި ޕޮއިންޓްތަކަށް ވިސްނައިގެން ކުރުވާހަކައެއްގެ ފެށުން ލިޔާނީއެވެ.

§         އެއަށްފަހު ނިމުނު ގްރޫޕްތަކުން ކްލާހަށް ހުށަހަޅާނީއެވެ.

ސިޓީ ލިޔުން

އެކްޓިވިޓީ : 3

ސިޓީ ލިޔުން

§         މާއްދާ : ދިވެހިބަސް

§         ގްރޭޑް :  8

§         ސުރުޚީ : ސިޓީ ލިޔުން

§         ޓީޗިންއެއިޑްސް : ތަފާތު 03 ޙާލަތަކަށް ދީފައިވާ 03 ސިޓީ ނޯޓް

މަޤްޞަދު :

§         ޙާލަތަކާއި ގުޅުވައިގެން ކަމާއިބެހޭ ފަރާތަކަށް ރަސްމީ ސިޓީއެއް ލިޔުން.

§         ރަސްމީ ސިޓީއެއްގައި ބޭނުން ކުރާނެ ޢިބާރާތްތައް ފާހަގަ ކުރުމާއެކު ބޭނުން ކުރުން.

ގެންދާނެގޮތް :

§         މުޅި ކްލާސް ތިން ގްރޫޕަކަށް ބަހާލާށެވެ.

§         ކޮންމެ ގްރޫޕަކީވެސް ގެއެއްކަމަށް ބުނެދެއްވާށެވެ.

§         އެހެންކަމުން، ކޮންމެ ގެއަކުންވެސް (ނުވަތަ ކޮންމެ ގްރޫޕަކުންވެސް) އެ ގެއަށް ނަމެއް ދޭށެވެ.

§         އެއަށްފަހު، ކޮންމެ ގެއަކުން ސިޓީއެއް ލިޔުމަށްޓަކައި މުދައްރިސް ކޮންމެ ގެއަކާއި ސިޓީ އުރައެއް ޙަވާލު ކުރާން ވާނެއެވެ.

§         ކޮންމެ ގްރޫޕަކަށްވެސް މުދައްރިސް ދެއްވާ ސިޓީ އުރައިގައިވާ ޙާލަތާއި ބެހޭގޮތުން އެގްރޫޕަކުން ސިޓީއެއް ލިޔުމަށްޓަކައި ގޭގެ މެމްބަރުންގެ މެދުގައި މަޝްވަރާ ކުރާށެވެ.

§         މިގޮތުން، ގެތަކުގެ މެމްބަރުންގެ މަޝްވަރާ ނިމުމުން ކޮންމެ ގެއަކުންވެސް އެބައެއްގެ ގޭގެ ނަމުގައި ސިޓީ ފޮނުވަން ކަޑައަޅާފައިވާ ފަރާތަށް ރަސްމީ ސިޓީއެއް ލިޔާށެވެ.

§         ކުރިން ދަސްކޮށްފައިވާ ގޮތުގެމަތިން، ލިޔާ ސިޓީގެ ޢިބާރާތާއިމެދުގައި ސަމާލުކަން ދޭންވާނެއެވެ.

§         ސިޓީ ލިޔެ ނިމުމުން، ކޮންމެ ގްރޫޕަކުންވެސް އެގްރޫޕަކުން ލިޔުނު ސިޓީ ކްލާހަށް ހުށަހެޅުމަށްފަހު، ކްލާހުގެ ކޮންމެވެސް 03 ތަނެއްގައި  03 ގްރޫޕްގެ ސިޓީ ޕޭސްޓް ކުރާށެވެ.

§         އެއަށްފަހު، ކޮންމެ ގްރޫޕަކުންވެސް އެހެން ގްރޫޕްތަކުން ލިޔެފައިވާ ސިޓީތައް ކިޔުމަށް ބުނުއްވާށެވެ.

§         ދަރިވަރުން ސިޓީ ކިޔަމުންދާއިރު ޙާލަތާއި ގުޅުވައިގެން ގްރޫޕްތަކުން ލިޔުނު ސިޓީ ތަކުގެ ޢިބާރާތް ކުރުންހުރި ގޮތާއިމެދު ދަރިވަރުންގެ މެދުގައި މަޝްވަރާ ކުރުވަން ވާނެއެވެ.

§         އެއަށްފަހު، ގްރޫޕްތަކުގެ ހުރިހާ ސިޓީތަކާއިމެދު ބިނާކުރަނިވި ފާޑުކިޔުމަކުން ވިސްނައި، ސިޓީތަކުން އިތުރަށް ރަގަޅު ކުރަންފެންނަ ކަންތައް ކުދިންގެ ޚިޔާލާއެކު ހުށަހަޅާށެވެ.

ތަފާތު 03 ޙާލަތަކަށް ދީފައިވާ 03 ސިޓީ ނޯޓް :

§     އަވަށްޓެރި ގެތަކުން ކުނި އެންދުމުގެ ސަބަބުން އުދަގޫވާތީ، އެކަން ހުއްޓުވައިދިނުމަށްއެދި ރަށު ކައުންސިލް އިދާރާއަށް ފޮނުވާނެ ސިޓީއެއް

§      ތިމާގެ ގެއަށް ސިއްރުން ބަޔަކުވަދެ ވައްކަންކޮށްފައިވާތީ، ރަށުގެ ޕޮލިސް ސްޓޭޝަނަށް ފޮނުވާނެ ސިޓީއެއް

§     ހިނގާފައިވާ ޔުނިޓްތަކަށްވުރެ މާގިނަ ޔުނިޓްތަށް ތިމާގެ ގޭގެ ކަރަންޓް ބިލުގައި ހިނގާފައިވާކަމަށް ބިލްކޮށްފައިވާތީ، އެކަން ބައްލަވައި ކަރަންޓް ބިލް އިޞްލާޙުކޮށް ރަށުގެ އިންޖީނުގެއަށް ފޮނުވާނެ ސިޓީއެއް  

ޅެން މާނަކުރުން

އެކްޓިވިޓީ : 2

ޅެން މާނަ ކުރުން

§         މާއްދާ : ދިވެހިބަސް

§         ގްރޭޑް :  8

§         ސުރުޚީ : ޅެން މާނަކުރުން

§         ވަގުތު :  45 މިނިޓް

§         ޓީޗިންއެއިޑްސް : ދަރިވަރުންނާއި ގުޅޭ ޅެމެއް  (ކަފާފައިވާ ޅެމުގެ ބައިތުތައް ގްރޫޕްތަކަށްވާވަރަށް)

މަޤްޞަދު :

§         ގްރޫޕް ތަކުގެ ދަރިވަރުންގެ މެދުގައި ޅެމުގައި ދައްކާފައިހުރި ވާހަކަތަކާ މެދު މަޝްވަރާކޮށް ޅެން މާނަ ކުރުން.

§         ޅެން ބައިތުތަކުން ބައެއް އުނިނޮކޮށް ޅެމުގައިވާ މައިގަޑު ޚިޔާލުތައް ވިސްނުމުގައި ބަހައްޓައިގެން، ޖުމްލަ މާނަ އެއް ޕެރެގްރާފުން ލިޔުން.

ގެންދާނެގޮތް :

§         ދޭންބޭނުންވާ ޅެމުގެ ބައިތުތައް ގުނާލުމަށްފަހު (ގްރޫޕަކަށް 02 ނުވަތަ 03 ޅެންބައިތުދޭގޮތަށް)، ކްލާހުގެ ކުދިން ގްރޫޕް ތަކަށް ވާގޮތަށް ބަހާލާށެވެ.

§         އޭގެ ފަހުގައި ކޮންމެ ގްރޫޕަކަށް 02 ނުވަތަ 03 ޅެންބައިތު ދޭނީއެވެ.

§         ދެން ކޮންމެ ގްރޫޕަކުންވެސް އެގްރޫޕަށް ލިބުނު ބައިތުތަކާއިމެދު ގްރޫޕް މެދުގައި މަޝްވަރާކުރުމަށްފަހު މާނަ ކިޔައިދޭނީއެވެ.

§         އޭރުން ޅެމުގެ ހުރިހާ ބައިތުތަކެއްވެސް އޮންނާނީ މާނަ ކުރެވިފައެވެ.

§         ދެން ކޮންމެ ގްރޫޕަކުންވެސް ޅެމުގެ ޖުމްލަ މާނަ އެއް ފެރެގެރާފަކަށް ވާގޮތަށްލިޔެ ، މުޅިކްލާހަށް ހުށަހަޅައި ފާޑު ކިޔާނީއެވެ.

ޅެން : (މިޅެން ނަގާފައިވަނީ ފަންވަތް ވެބްސައިޓުންނެވެ.)

ދުލަކީ ނުރައްކާތެރިވެސް ހަތިޔާރެކެވެ.

ދަންނަވަންތޯއޭ ތެދަށް، ދުލަކީ ލިބުނު ހަތިޔާރެކޭ

      ކަންމިހެން އޮތްއިރު އޮތީ، ރައްކާތެރިވެ ތިބުމޭ ތެދޭ

ބަޑިތަކުންނާ ކަނޑިތަކުން، ނޫނަސް ޤަތުލު ކުރެވޭނެޔޭ

     އަޑިނުބައި ހިތަކުން ނެރޭ، ވިހަގަދަ ބަހެއް ބުނުމުން ތެދޭ

ބަޔަކު ވާހަކަ ދެއްކިޔަސް، ދެމެދަށް ތިބާ ވަނުމެއް ނުވޭ

        ބަޔަކު ތިއްބާ އެތަނަކަށް ،ވަދެ ބަސްބުނުން ގޯހޭ ތެދޭ

ތަންތަނަށްގޮސް އަނގަތެޅުން، ނުވެޔޭ ރަގަޅު ކަމަކަށް ދަނޭ

     ސަންތިވެސް ރަންދަތް ދިނީ، އަނގަމަޑުވުމުން މިތުރަށް ތެދޭ

ބަހުގެ ބަސްމަގު ނައްތަމުން، ބަހުރުވަ ހުތުރު ކުރަމުން ނުދޭ

     ބަހުގެ ފޭރާން ދެރަވުމުން، ބަސްމަގު ބަނަވެ ނެތިދޭ ތެދޭ

ބަދަލުކޮށް އޮޅުވާލަމުން، ދެބައޮޑުވަމުން ނުދުވޭ އިނގޭ

    އަނދައަނދާ ހުރި ހުޅުގަނޑަށް ، އެއްލާލެވުން ވާނޭ ތެދޭ

ނެތްތަނުގަ މީހުންގެ ގޯސް، ވާހަކަ ދެކެވިދާނަމަ ބުނޭ

      ނެތް ވެވޭ ފަރަޤެއްއެއާ، މުޅަމަސް އަޚުގެ ކެއުމާ ތެދޭ

ތެދު ބުނަން ފަސްޖެހެވިގެން، ދޮގުތައް އިތުރު ނުބުނޭ ހެވޭ

      ހެދުނުކަމުގައި ދޮގު ވިއަސް، ފޮރުވިފަ އެކަން ނޯވޭ ތެދޭ

ދިންނަވާތޯ އަޅުތަކުން، ޢާފާތް ތަކުން ދުލަކުން ވޭވޭ

        ދިންނެވުން އެދިގެން ދުޢާ، ތަކުރާރު ކޮށްލާށޭ ތެދޭ

---

އަދަބީ ބަސްތަކަށް ޙާދިސާ ލިޔުން

އެކްޓިވިޓީ : 1

އަދަބީ ބަސްތަކަށް ޙާދިސާ ލިޔުން

§         މާއްދާ : ދިވެހިބަސް

§         ގްރޭޑް :  9

§         ސުރުޚީ : އަދަބީ ބަސްތަކަށް ޙާދިސާ ލިޔުން

§         ވަގުތު : 45 މިނިޓް

§         ޓީޗިން އެއިޑްސް : އަދަބީ ބަސްތައް

މަޤްޞަދު :

§         ދީފައިވާ އަދަބީ ބަސްތަކުން ކޮންމެ ބަހަކަށް 15 ފޮޅުވަތަށްވުރެ ކުރުނޫން ޙާދިސާއެއް ލިޔުން

ގެންދާނެގޮތް :

§         ކްލާސް 3 ކުދިންގެ ގްރޫޕަތަކަކަށް ބަހާލާނީއެވެ.

§         އެއަށްފަހު، ކޮންމެ ގްރޫޕަކަށްވެސް ތަފާތު އަދަބީ ބަހެއް ދޭނީއެވެ.

§         ދެން، ގްރޫޕްތަކާއި ޙަވާލުކުރެވުނު އަދަބީ ބަހާއި ބެހިގެން ގްރޫޕް މަޝްވަރާއެއް ކުރާނީއެވެ.

§         ގްރޫޕްތަކުގެ މަޝްވަރާ ކުރަމުންދާއިރު، މުދައްރިސް ގްރޫޕްތަކުގެ މަޝްވަރާގައި ބައިވެރިވެ ދަރިވަރުން ރަގަޅު ޙާދިސާއެއް ހޯދައިދިނުމަށް އެހީތެރިކަން ފޯރުކުރާނީއެވެ.

§         އެއަށްފަހު، ގްރޫޕް ދަރިވަރުންގެ މަޝްވަރާއިން ގްރޫޕާއި ޙަވާލުކޮށްފައިވާ އަދަބީ ބަހާއި ގުޅޭ ޙާދިސާއެއް 15 ފޮޅުވަތަށްވުރެ ކުރުނޫން ގޮތަކަށް ލިޔުން.

§         އެއަށްފަހު، ގްރޫޕްތަކުގެ މަސައްކަތް ނިމުމުން، ގްރޫޕް މަސައްކަތް ކްލާހަށް ހުށަހަޅާނީއެވެ.

§          

އަދަބީ ބަސްތައް :

§         މިރިނުވެ ގޮބޮޅި ކާށި ނުވާށެވެ!

§         އަހިވަކާއިޖެހި އަހިވަށް ފާވާނެއެވެ.

§         ކެޔޮކޭވަރު އެނގޭނީ ބިތުފަންގި ނެގީމައެވެ.

§         އެކަކުންޏެއްގެ ހަރު ކޮންނާނީ އެކަކުންނެއްގެ ވަރުންނެވެ.

§         މެކުނުފުމުނަސް ގާހަކައަށް ނުފުމެވޭނެއެވެ.

§         ވެހޭތާ ފެންނަގާށެވެ.

§         ހަކުރުދެންޏާ ބޮޑުބޭބެއެވެ.

§         މުޅި އޮޑީގައި ޙަސަނުގެ ދެފައެވެ.

---